المفهوم الخاطىء للحب نرجو الاهتمام

بسم الله الرحمن الرحيم
انا هكلمكم النهاردة عن موضوع بصراحة انا كل يوم وكل ثانية وكل لحظة بتكلم علية وهو موجود فى وسطينا ومش بيفارقنا لانه بجد موضوع مهم جدا وخطير جدا هو صحيح كلنا عارفين ايه اللى انا هتكلم علية بس مش كله فاهمة او كله عارفة فاانا حبيت اوضحلكم شوية عن الحاجة دى وانا بصراحة هكلمكم عن الحب الحب اللى هو موجود بينا ومش بيفارقنا الحب يا جماعة اولا ملهوش معنى واحد لان كل انسان بيحب بيبقى عنده الحب لية معنى فمثلا اللى حب بجد بيحس انه عايش فى نعيم وجنة دائما ومش عايز يسيبها ابدا وعايز يموت فى الحب دة لكن فى نوع تانى حب بجد اه بس اتعذب فى حبه دة بيبقى بالنسبة له عذاب فى الاول والم فظيع لكن بعد لما يعرف ان اللى قدامه بيحبه بجد هو كمان هيعيش فى نعيم اكتر من النوع الاول لان النوع الاول كان عارف من الاول ان الانسان اللى قدامة بيحبة لكن التانى اتعذب واتبهدل وحصله كل شىء يتصور لكل انسان بيحب وكمان التوتر والارق برضة كان عامل عذاب فى حياتة ولما اتاكد وعرف انا الانسانة اللى قدامة بتحبة بيبقى فرحة الدنيا كلها مش سايعاه ووممكن فى اللحظة دى من الفرح يغمى علية او يحصله حاجة لية عشان الحب والحب هو عموما حياة الاانسان ومن غيرة الانسان ميسواش حاجة ابدا لان الحب هو اللى بيخلى الانسان معرف بين الناس بالصدق والخير الحب والطيبة هم اول حاجتين عند الانسان بيحببوا الناس فية وارد برضة على الناس اللى بتقول ان الحب وحش الحب خداع وظلم وملهوش لازمة فى حياه الانسان اقولهم لاء يا جماعة الحب كائن طاهر مفهوش اى خداع ولا غش ولكن اللى بيخدع وبيغش فى مجموعة من الناس حياتهم الغش والخداع بتحب الحاجة دى وبعدين لو لاحظنا ان حالات كتيرة جدا من الحب ناجحة لية بقى دورا على السبب يا جماعة هتلاقوا الانسان نفسة هتلاقوة عشان طيب وكويس ومش مخادع الحب بيبقى جميل ولذيذ وبيبقى مستمر طول الحياة معاهم يا جماعة برضة انا عايز اقولكم ان الحب بالنسبة للانسان عموما عامل زى المية اللى بتروى الزهور ولو مكنش فى المية دى او الحب للانسان هيكون الانسان دبلان معندوش قلب قاسى مش مهتم لاى حاجة تؤثر على المشاعر قلبة حجر زى ما احنا بنقول لكن والله اللى بيحب مرة فى حياتة هينسى دنيتة تماما وهيندم طول عمرة انه قال الحب خداع وظلم ومش عيب ان احنا نجرب نحب ونتحب ممكن نتخدع ممكن يحصل اى حاجة تغيرنا بس نجربة واللى يتخدع فى حبة ربنا هيكرمة بحب جديد صافى وساعات الواحد بيحب واحد جدا وفاجاه يلاقى حاجة حصلت قدامك تغيرك من نحيتة طب لية عشان ربنا عايزلك الحب الافضل ربنا عايزلك تعيش فى سلام وحب وحنان وعطف مش عايزك تتعذب طول حياتك وتبقى ندمان ان انت حبيت وانخدعت لما كبرت لازم نجرب عشان نتعلم وناخد درس من اللى احنا جربناه لكن خلاصة القول ان الحب مش عيب ولا حرام الحب ليه حدودة ولازم نمشى عليها واظن انتوا فاهمين كويس قصدى والمفروض ان الواحد ميبقاش ضعيف قدام الحب قوى ولا قوى قدام الحب قوى لان الضعيف قدام الحب وبالذات البنات بيضيع مستقبهم لان الشباب بيستغلوا ضعفهم احيانا والقوى بيخلى اللى قدامة يتعذب فى حبه لدرجة انه ممكن يخليه يموت نفسة عشانه ودة كلها اساليب غلط فى الحب وعشان تعرفوا ان الواحد مش شرط يبقى تقيل قوى فى حبه عشان الناس اللى قدامة تحبة لان فى ناس كتير بتقول لو تقل على البنت او لو تقلتى على الولد هيحبك اكتر هو فعلا صح بس ساعات التقل مبيبقاش لية فايدة ممكن تتقل واللى قدامك عارف ان انت بتحبة من غير التقل ويسيبك ويقولك اه دة نسينى وسابنى يبقى انا مش هكلمة تانى ولا هشوفة طب ولية نعمل كدة الحب برضة المفروض صراحة لازم نعترف الى اللى قدامنا بحبنا بس طبعا زى ما انتوا عارفين ان احنا لازم نتاكد الاول ان الانسان اللى قدامنا بيحبنا ولا ولاء بصراحة انا عارف ان انا طولت الموضوع اوى عليكم بس انا طولته لان فى ناس كارهه الحب جدا ومش عيزاه لكن الحب والله يا جماعة هو اساس العالم لانه لو مكنش موجود فى العام او الدنيا كلها كانت الدنيا كلها احتوت على فساد وظلم وكراهية واظن ان الايام دة وضح كدة فى اماكن معينة انتوا عارفينها ظهرت فيها الكراهية والحقد على تعاليم الاسلام والحروب زادت عشان مفيش حب بين الناس مهمتنا كلنا ان احنا ننشر الحب للعالم ونجعل فية السلام العطف والخر وانا انشاء الله منتظر ردودكم انا اسمى محمد واحب اقولكم ان انا عشان طيب الحمد لله ومحترم كل الناس بتحبنى فياريت نكون كلنا طيبين مش قساه القلوب انا موجود ويارب الموضوع يعجبكم وانا منتظر ردودكم على موضوعى وياريت يكون الر د بكل صراحة عشان برضة الصراحة بتحبب الناس فينا فلو كان كلامى غلط او اسلوبى وحش يار يت تقولوا وشكرا